From Zero, we start ~

بسم الله الرحمن الرحيم ~

أول حاجة، فكرة المدونة كانت من فترة في بالي ..
زمااان كدا أيام السنوي كانو صحباتي يحمسوني أفتحها بس مادري ع أيت أساس ! xD
بس هوا مؤخرًا كدا الفكرة شاغلة بالي وكنت أحتاج الـ PUSH بس !

تاني حاجة، 1/1/1434 هـ كان أمس ..
كل عام وإنتو بألف صحة وسلامة ويارب يجعلها سنة خير علينا وعليكم ~

طبعا بالنسبالي السنة دي من أهم سنين حياتي .. وأنا عندي أمل كبير في ربي إنها فعلًا حتكون ! ❤

كـ مواليد 1414هـ ،
بالنسبالنا نحنا نشوف 1414-1434 إنو دي خطوة كبيرة ويارب يكبرنا في طاعتو ~

بالفعل أتزكر زمان لمن كنت صغيرة وكنت أحسب عُمري في يدي وأستنى 1434 تجي وأتخيل نفسي كبيرة وإنسانة سعيدة في حياتي، الحمدلله أنا راضية باللي ربي كتبلي هوا~
بس المقصود هنا إنو الطفولة مرحلة بريئة جددددن ! لا يمكن تفكر في المستقبل إلا بنظرة سعيدة خالية من الهموم ..

الله يجعل نظرتنا للدنيا خالية من الهموم ويصفّي قلوبنا ~

Say Amen.
طيب وبما إني أشوف السنة دي مهمة جدًا، تالت حاجة أبغى أتكلم عنها في التدوينة دي اش الشي الجديد اللي أبغى أسويه؟

كل بداية سنة جديدة أشوف ناس أعرفهم كتير يكتبو ويدونو أهدافهم للسنة الجديدة واش يبغو يعملو واش حينجزو إن شاالله ..
أفكار جميلة كتير ومبدعة وملهمة ، كنت أسوي نفس الشي بس ما كنت أكتبها !

ولأني -بالرغم إني أحب أكتب- ما كنت أكتب أهدافي ؛ طبعا كلها طارت مع الريح ~

بس المرة دي قلت في نفسي: خلاص يا بنتي كدا ما ينفع ! معقول حتخشي العشرين وإنتي كدا شَختك بَختك وتيتي تيتي زي ما روحتي زي ماجيتي !؟

وقررت أطلب من الناس اللي يعرفوني وأعرفهم يتحدوني تحدي يستمر لمدة 365 يوم وبالتالي أنا أتحداهم، يكون التحدي مفيد طبعا!
وبنهاية السنة وعلى بداية سنة 1435 هـ إزا ربنا أحيانا ، حتطلع النتيجة ونشوف مين كان قد التحدي ومين ما كان قد التحدي .. والتاني يعمل للأول اللي يبغاه إزا خسر في التحدي !

أمسلة على التحديات؟
أتخلص من عادة وحشة ، (يعني أمسك نفسي لمن أعصب مسلن بس غريبة محد اتحداني أسوي الشي دا!)، أتعلم شي جديد (لغة، رياضة، معلومات تاريخية، عن شخصيات ..إلخ)، أكتب، أنتج، أصبغ شعري، أغير من ستايلي، أحافظ على معدلي أو أخليه أحسن، وهاكزا …

قبل ما يبدأ العام الجديد حطيت في تويتر الفكرة دي وقلت إنو حتستمر مدة اقتراح التحديات بنهاية أول يوم في السنة ..
وكل اللي جاتني 8 تحديات شخصيًا وبالتالي أنا اتحديت اللي اتحدوني بالمقابل، وجماعيًا مع صحباتي في مجموعة تحديات تانية.

طيب ، باسم الله ~

1. أتعلم نوع رياضة جديد.
2. أتعلم نوع رقص جديد –ع أساس إني أعرف نوع رقص قبلو مسلن!-. 😛
3. أكتب 6 قصايد من 12 بيت (2 منها إنقلش والباقي أدب عربي نثر) –قلت إنو حصيلتي العربية مو مررة بس الحكمة هنا إنو كدا التحدي-.
4. أفتح مدونة –أهو الحمدلله عرفتو إش حمسني أفتحها بعد كل ديكا السنين– + أكتب مقالة في ويكيبيديا بالعربي.
5. أنقص وزني (10-15 كيلو) لا تنفجعو !. 😀
6. أسير نباتية (vegetarian) لمدة شهر عالتوالي.
7. أروح بيت صحبتي وأنا طابختلها أكل جااااوي ! –بنت الايه تعرفني ماعرف للطبخ– xD !
8. تحدي حق 365 يوم أجيب نوت/دفتر وأكتب فيه بخط يدي “الجميل اللي يبغالو تحسين” إقتباسه/كوت عجبتني وحبيتها من قلبي مع اسم الشخص اللي قالها من أي مكان (كتاب، مانجا، فلم، برنامج، صحبات/أصحاب، غنية، من عيلتي، أنيمي .. إلخ) –أجل كدا حأفضح في أصحابي وصحباتي !- xD

وبس كدا ، قفلت على مجموعة التحديات !
وإن شاالله ربنا يقويني ويخليني أعملها كلها بنهاية السنة ~

الحلو في الموضوع إنو صحباتي واللي اختارولي التحديات دي من جد يعرفوني ويعرفو إش أحتاج أقوي في نفسي..

والله جد !
مرررا شكرا إنكم عبرتوني واتحمستو معايا في شغلة التحديات دي .. الله يسعدكم ويرضى عليكم ~ ❤

وإن شاالله إنتو كمان تسوو التحديات اللي أديتكم هيا ولا ما في رحمة إزا جات 1435 بدون ماشوف النتيجة ! 😛

ありがとう ,

Ja ne ~

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s